भारतीय रेल्वेमधील प्रवाशांच्या सुरक्षेचा आणि त्रासाचा मुद्दा पुन्हा एकदा ऐरणीवर आला असून, सध्या सोशल मीडियावर एक धक्कादायक व्हिडिओ मोठ्या प्रमाणावर व्हायरल होत आहे. या व्हिडिओमध्ये गर्दीने भरलेल्या एका ट्रेनमध्ये पैशांची सक्ती करत प्रवाशांशी गैरवर्तन करणाऱ्या एका किन्नराला प्रवाशांनी एकत्रित येत चांगलाच धडा शिकवल्याचे पाहायला मिळत आहे. आक्रमकपणे पैसे मागणाऱ्या या व्यक्तीच्या वर्तनाला कंटाळून संतप्त प्रवाशांनी त्याला थेट चालत्या गाडीतून बाहेर काढल्याचा दावा केला जात आहे.
व्हायरल झालेल्या या चित्रफितीत काळ्या रंगाच्या चकचकीत पोशाखातील एक किन्नर प्रवाशांशी वाद घालताना दिसत आहे. त्याचा आक्रमक अवतार पाहून गाडीतील लोक संतप्त झाले आणि त्यांनी त्या किन्नराला वेढून धक्काबुक्की करण्यास सुरुवात केली. व्हिडिओ काहीसा अस्पष्ट आणि हलणारा असला, तरी प्रवाशांनी केलेल्या या कारवाईचे मुख्य कारण पैशांसाठी झालेली जबरदस्ती आणि प्रवाशांशी केलेली बदतमीजी हेच असल्याचे स्पष्ट होत आहे.
भारतामध्ये शुभ प्रसंगी आशीर्वाद देऊन पैसे घेण्याची किन्नर समुदायाची जुनी परंपरा आहे. मात्र, गेल्या काही काळापासून रेल्वे आणि सार्वजनिक बसेसमध्ये टोळ्या बनवून फिरणे, प्रवाशांना धमकावणे आणि पैशांसाठी अश्लील वर्तन करणे अशा तक्रारी वाढल्या आहेत, ज्यामुळे सामान्य प्रवाशांमध्ये तीव्र संताप आहे. या व्हिडिओवर नेटकऱ्यांनी विविध प्रतिक्रिया दिल्या असून अनेकांनी प्रवाशांच्या भूमिकेचे समर्थन केले आहे, तर काहींनी रेल्वे सुरक्षा दलाने (RPF) अशा उपद्रवी लोकांवर कडक कारवाई करावी अशी मागणी केली आहे. रेल्वे प्रशासनाने गाड्यांमध्ये अशा प्रकारे पैसे मागण्यावर अधिकृत बंदी घातली असली, तरीही योग्य अंमलबजावणी अभावी अशा घटना वारंवार घडताना दिसत आहेत.
0 टिप्पण्या