डिप्रेशनचे मूळ कारण असू शकते ‘या’ जीवनसत्त्वांची कमतरता, जाणून घ्या कोणते जीवनसत्त्वे आहेत महत्त्वाचे

आजच्या धावपळीच्या आणि तणावपूर्ण जीवनशैलीत मानसिक आरोग्याच्या समस्या झपाट्याने वाढत आहेत. डिप्रेशन म्हणजेच नैराश्य ही फक्त भावनिक नाही, तर शारीरिक कारणांमुळेही होऊ शकते. अनेक वेळा आपण सतत निराश, थकलेले किंवा अस्वस्थ वाटतो, पण लक्षात येत नाही की यामागे काही आवश्यक जीवनसत्त्वांची कमतरता कारणीभूत असू शकते. चला पाहूया कोणती जीवनसत्त्वे डिप्रेशनचे लक्षण होऊ शकतात आणि ती कमी झाली असल्यास काय उपाय करावेत.

१. जीवनसत्त्व बी12 (Vitamin B12) ची कमतरता

जीवनसत्त्व बी12 हे मज्जासंस्थेसाठी अत्यंत आवश्यक असते. याच्या कमतरतेमुळे मानसिक थकवा, चिडचिड, मूड स्विंग्स आणि डिप्रेशनसारखे लक्षणं दिसून येतात. B12 न्यूरोट्रांसमीटर निर्माण करण्यास मदत करते जे आपले मानसिक संतुलन राखण्यास मदत करते.

कुठून मिळेल B12?

• अंडी
• मासे (साल्मन, टूना)
• दूध, ताक, पनीर
• मशरूम
• फोर्टिफाईड अन्नपदार्थ

शाकाहारी लोकांनी डॉक्टरच्या सल्ल्याने सप्लिमेंट्स घेणे योग्य ठरेल.

२. जीवनसत्त्व डि (Vitamin D) ची कमतरता

‘सनशाईन व्हिटॅमिन’ म्हणून ओळखले जाणारे Vitamin D केवळ हाडांसाठीच नाही, तर मानसिक आरोग्यासाठीही तितकेच महत्त्वाचे आहे. अनेक अभ्यासांमध्ये आढळले आहे की ज्यांच्यामध्ये Vitamin D ची कमतरता असते त्यांना डिप्रेशनचा अधिक धोका असतो.

Vitamin D कुठून मिळेल?

• सकाळच्या सौम्य सूर्यप्रकाशात १५–२० मिनिटे थांबा
• गाईचे दूध
• अंडी
• मशरूम
• फोर्टिफाईड अन्नपदार्थ किंवा रस

काय काळजी घ्यावी?

• कोणतेही सप्लिमेंट घेण्याआधी डॉक्टरांचा सल्ला घ्या
• संतुलित आहार आणि नियमित व्यायाम देखील मानसिक आरोग्यासाठी उपयुक्त
• सतत थकवा, चिडचिड, नैराश्य वाटत असेल तर शारीरिक तपासणी करून घ्या

डिप्रेशन म्हणजे केवळ मानसिक अशक्तपणा नाही, तर आपल्या शरीरात जीवनसत्त्व बी12 आणि डि यांची कमतरता यामागे कारणीभूत असू शकते. या जीवनसत्त्वांची पूर्तता करून आपण मानसिक तणाव टाळू शकतो आणि जीवन अधिक आनंददायी बनवू शकतो. त्यामुळे वेळेत चाचणी करून, योग्य आहार व जीवनशैली अवलंबा आणि डिप्रेशनपासून दूर राहा.