उत्तराखंड
उत्तराखंडच्या उत्तरकाशीमध्ये ढगफुटीमुळे मोठी दुर्घटना घडली आहे, ज्यात भारतीय सैन्याचे 8 ते 10 जवान बेपत्ता झाले आहेत. ही घटना खालच्या हर्षिल भागातील एका शिबिरात घडली आहे. सैन्याच्या एका अधिकाऱ्याने दिलेल्या माहितीनुसार, जवानांचा शोध सुरू असून, लष्कर बचावकार्यात गुंतले आहे.
ब्रिगेड कमांडर ब्रिगेडियर मनदीप ढिल्लों यांनी सांगितले की, धराली गावात भूस्खलन आणि हिमस्खलनाची घटना घडली. हर्शिल चौकीच्या लष्करी तुकडीने तातडीने बचावकार्य सुरू केले आणि सुमारे 20 लोकांना वाचवण्यात आले. जखमींवर उपचार सुरू आहेत. ढगफुटी आणि भूस्खलनामुळे लष्कराचे शिबिर आणि बचाव पथकाचा काही भागही बाधित झाला आहे.
भारतीय हवाई दलानेही बचावकार्यासाठी तयारी केली आहे. चिनूक एमआय-17 व्ही5, चीता आणि एएलएच हेलिकॉप्टर चंदीगड वायुसेना तळावर सज्ज आहेत. हवामान स्वच्छ झाल्यावर ही हेलिकॉप्टर्स उड्डाण करतील. लष्कराने धराली गावाजवळ भूस्खलनानंतर 150 जवानांना तैनात केले आहे. आतापर्यंत 15-20 लोकांना सुरक्षित बाहेर काढण्यात आले असून, जखमींवर हर्षिल येथील लष्करी वैद्यकीय केंद्रात उपचार सुरू आहेत. शोध आणि बचाव कार्य अजूनही सुरू आहे.
0 टिप्पण्या