तामिळनाडू
तामिळनाडूच्या राजकारणात अनेक दशकांनंतर एक मोठा चमत्कार पाहायला मिळत आहे. प्रसिद्ध अभिनेता विजय ऊर्फ 'थलपथी' याच्या 'तामिळगा वेत्री कळघम' (TVK) या पक्षाने आपल्या पहिल्याच निवडणुकीत अनपेक्षित कामगिरी केली आहे. राज्यातील २३४ जागांपैकी तब्बल ११० जागांवर विजयचा पक्ष आघाडीवर असून, तामिळनाडूच्या पारंपारिक डीएमके (DMK) आणि एआयएडीएमके (AIADMK) या दोन शक्तींना त्याने जोरदार धक्का दिला आहे. मुख्यमंत्री एम.के. स्टालिन यांचा स्वतःचा कोलाथूर मतदारसंघातून झालेला पराभव हा या निवडणुकीतील सर्वात मोठा धक्का मानला जात आहे.
विजयच्या या झंझावातामुळे तामिळनाडूच्या राजकारणातील ४९ वर्षांची परंपरा खंडित होण्याची शक्यता आहे. "सिंह एकटा असला तरी तो जंगलाचा राजाच असतो," हा विजयचा डायलॉग आज सोशल मीडियावर तुफान व्हायरल होत आहे. तरुणांची मोठी साथ आणि विजयची फॅन फॉलोइंग यामुळे तामिळनाडूमध्ये तिसऱ्या पर्यायाला जनतेने स्वीकारल्याचे दिसत आहे. डीएमके ७० जागांवर तर एआयएडीएमके ५० जागांवर मर्यादित राहिल्याने, विजय आता किंगमेकर नव्हे तर किंग बनण्याच्या तयारीत आहे. पंतप्रधान मोदींनीही विजयचे या यशाबद्दल अभिनंदन केले आहे. तमिळ अस्मिता आणि नव्या पिढीचे राजकारण या जोरावर विजयने प्रस्थापितांना दिलेली ही टक्कर भविष्यातील दक्षिणेकडील राजकारणाचे स्वरूप बदलणारी ठरेल.
0 टिप्पण्या